GEMENGEPAKT // BIERGER*INNEN-ATELIER

D’Stad Diddeleng invitéiert all d'Awunner*innen an och all déi, déi zu Diddeleng schaffen, aktiv un der Gestaltung vun enger méi inklusiver an diverser Gesellschaft matzewierken! No enger éischter Phase vun der Analys an der Diagnos markéiert de Bierger*innen-Atelier déi zweet Etapp vun der Ëmsetzung vum Gemengepakt fir dat Interkulturellt Zesummeliewen.

2025 steet d’Thema Bénévolat an interkulturellt Zesummeliewen am Mëttelpunkt. D’Participanten hunn d’Méiglechkeet, direkt mam Buergermeeschter- a Schäff*innerot ze diskutéieren, hir Erfarungen ze deelen a konkret Moossname fir e bessert Zesummeliewe zu Diddeleng ze entwéckelen.

🗓️ Méindes, 28. Abrëll 2025 | 18:30 - 20:30

📍Hall Polyvalent, 8, route de Bettembourg, L-3429 Dudelang

👉 Oflaf vum Owend:

1. Introduktioun
2. Diskussioun an Aarbechtsgruppen
3. Gemeinsam Entwécklung vu konkrete Aktiounen fir de Pakt

Afterwork-Format

Wärend dem ganzen Event, gëtt et eppes ze drénken an z'iessen.